#b-navbar { height:0px; visibility:hidden; display:none }

mánudagur, febrúar 27, 2006

Bloggedíbloggblogg....blogg. Þessi vefleiðari þarf á andlitslyftingu að halda.

posted by Önundr @ 2/27/2006 11:57:00 f.h.

þriðjudagur, febrúar 21, 2006

Bombay TV Mér var bent á þessa stórskemmtilegu netsíðu. Ég rauk því til og gerði nokkrar myndir. Ekki alslæmar. Þess má geta að mér þykir leikarinn sem kemur fyrir í mörgum þeirra ansi líkur David Duchovny sem lék Fox Mulder í X-skránum á sínum tíma. Ásgeir Pétur frændi minn og félagi gerði einnig nokkrar af þessu myndum. Hér eru myndirnar: http://www.grapheine.com/bombaytv/play_uk.php?id=765252 http://www.grapheine.com/bombaytv/play_uk.php?id=765156 http://www.grapheine.com/bombaytv/play_uk.php?id=765353 http://www.grapheine.com/bombaytv/play_uk.php?id=772201 http://www.grapheine.com/bombaytv/play_uk.php?id=772241 http://www.grapheine.com/bombaytv/play_uk.php?id=772269 http://www.grapheine.com/bombaytv/play_uk.php?id=772312 http://www.grapheine.com/bombaytv/play_uk.php?id=772332 http://www.grapheine.com/bombaytv/play_uk.php?id=772391 http://www.grapheine.com/bombaytv/play_uk.php?id=772390 http://www.grapheine.com/bombaytv/play_uk.php?id=772455

posted by Önundr @ 2/21/2006 11:15:00 e.h.

mánudagur, febrúar 20, 2006

Frjettir Í gær var frétt í sjónvarpinu (bara man ekki hvort það var á Rúv eða NFS) um nýjasta afrek hins mikla kvenskörungs sem umhverfisráðherra er. Fréttin var ágæt, góð frétt. Stækkun þjóðgarðs. En sitthvað fannst mér asnalegt við framsetningu hennar. T.d. var þetta sett fram dálítið eins og þetta væri nýr þjóðgarður. En inni í þessum þjóðgarði er semsagt allt það sem hefur hingað til fallið undir þjóðgarðinn í Skaftafelli. Þá kom það fram sem eitt aðalatriðið að hinn nýi þjóðgarður yrði sá stærsti í Evrópu. En mér skilst að þjóðgarðurinn í Skaftafelli sé nú þegar sá stærsti í Evrópu. Í þriðja lagi var sýnt landakort þar sem svæði garðsins var sýnt, með fagurgrænum lit (eins og þjóðgarðar eru nú yfirleitt, grænir og fallegir). Ég horfði á kortið í smá stund og reyndi að átta mig á því hvar á landinu þetta væri. Og þá sá ég að þetta var að mestu leyti Vatnajökull. Hin myndræna framsetning var þannig mjög skemmtileg. Skaftafellsþjóðgarður, grænn vatnajökull, og svo rönd meðfram jökulsá norður í land. Kannski að gera úlfalda úr mýflugu en mér fannst þetta furðuleg frétt. Hins vegar var þátturinn Kompás sérlega krassandi og áhrifamikill í gær, ef þið sáuð hann.

posted by Önundr @ 2/20/2006 12:35:00 e.h.

fimmtudagur, febrúar 16, 2006

Samfylkingin í Reykjavík. Was ist das? Reykjavíkurlistinn er ekki dáinn. Nú heitir hann Samfylkingin. Þetta er allt saman mjög skemmtilegt. Samfylkingin var með opið prófkjör. Útkoman úr því er þannig að fjögur efstu sætin skipa þrír borgarstjórar og einn Vinstri grænn. Þess verður þó að geta að sá Vinstri græni er óháður bæði Vinstri grænum og Samfylkingunni, en einn borgarstjóranna þriggja er flokksbundinn Samfylkingarmaður en um leið óháður. Þrír borgarstjórar? - spyrjið þið. Já, þrír borgarstjórar segi ég því sá sem er í fyrsta sæti rústaði þessu prófkjöri svo illilega að ef Déið nær ekki meirihluta verður hann borgarstjóri, sú í öðru sæti er núverandi tilvonandi fyrrverandi borgarstjóri sem aldrei átti að verða það (en ég er auðvitað bara að segja þetta af því að hún er kona) og sá í þriðja sæti er, hefur alltaf verið og mun alltaf verða hinn eini rétti borgarstjóri Reykvíkinga (in his miiiiind). Prófkjörið var opið. Svo opið að landsfrægur rithöfundur lét mig fá mynd af konunni sinni og hvatti mig til að kjósa í prófkjörinu. Konan hans er eflaust hin ágætasta, en ég kaus reyndar ekki. Opið prófkjör svo að VG mættu eflaust by the truckloads og kusu kommann sinn í fjórða sæti á eftir borgarstjórunum, og virkjuðu þannig velferðina. Nú er ég sjálfur óflokksbundinn og því er Björk Vilhelmsdóttir, skv. hennar eigin orðum, fulltrúi minn í borgarstjórn. Því hún er eitthvað svo óháð stjórnmálaflokkum. Þetta er mesta vitleysa sem ég hef heyrt. Á sama hátt gæti hún verið fulltrúi Íslendinga í borgarstjórn, því hún er Íslendingur. Svo getum við séð hvort ekki takist sættir með VG og hinum óháða VG Samfylkingarborgarfulltrúa eftir kosningar og hún flytji sig aftur yfir í VG svo að þeir verði með 2 menn í borgarstjórn, en Framsókn engan að sjálfsögðu. Og hverju er ég að reyna að gubba upp úr mér hérna? Jú, ég er bara að segja að áhugafólk um skýra kosti í stjórnmálum getur ekki kosið Samfylkinguna. Það er alveg eins hægt að velja bara nokkra BA-nema í heimspeki við HÍ til að sitja í borgarstjórn. Ég er þess fullviss að þeir finna upp á einhverju góðu til að koma í verk og pæla mikið í því hvernig best sé hægt að þjóna borgarbúum, en það mun enginn vita fyrirfram hvað þeir gera. Framsókn er ekki skýr kostur heldur svo menn verða bara að velja hægri-vinstri í þessum kosningum sýnist mér. Nú eða bara go liberal.

posted by Önundr @ 2/16/2006 02:14:00 e.h.

mánudagur, febrúar 06, 2006

Jens Þórðarson Ég fór niður í kosningamiðstöð Vöku um daginn, í Landssímahúsinu við Austurvöll. Hitti ég þar fyrir Jens Þórðarson og fór hann með mig í skoðunarferð um húsið, sem er stórt og mikið. Kom hann að hurð sem reynist læst en upplýsti mig um að þar inni væri stór kapall, og á honum stæði "ADSL-MIÐBÆR" og hægt væri að kippa honum úr sambandi án mikillar fyrirhafnar. Jens er með gáfaðri mönnum sem ég þekki. Spurði ég hann því, að myndinni The Lawnmower-man séðri, hvort hann hygðist ekki á næstunni umbreyta sjálfum sér í hreina orku og fara inn í símkerfi landsins. Ef einhvers staðar liggur beint við að komast inn í slíkt kerfi þá er það með því að taka þennan kapal í sundur og fara inn, og ég gæti svo lokað á eftir honum.

posted by Önundr @ 2/06/2006 10:53:00 f.h.

laugardagur, febrúar 04, 2006

Hvers konar vinur er ég? Birgir Pétur Þorsteinsson vinur minn átti afmæli 2. febrúar. Að kvöldi hins 1. febrúar talaði ég við hann á Skype, þar eð hann er staddur í París við nám, og lofaði ég honum því að ég skyldi birta afmælisfærslu honum til heiðurs á afmælisdaginn hans. En ég steingleymdi því. Betra er þó seint en aldrei og því kemur færslan hér. Honum er árnað heilla. Stundum er það eina sem vantar í mitt líf einn Birgir Pétur á hvítum Suzuki Swift. En Swiftinn er því miður horfinn á vit örlaganna og Birgir kominn hinum megin við hafið. Svona er þetta.

posted by Önundr @ 2/04/2006 03:16:00 e.h.

fimmtudagur, febrúar 02, 2006

Pú og pa Myndasagan um englana í Fréttablaðinu blandar sér í dag í heimsmálin. Þar hittir Lykla-Pétur fyrir sjálfan Múhameð spámann, sem er þar sýndur hnípinn með englavængi og túrban, og Lykla-Pétur segist hafa talið að hann væri hávaxnari, en viðurkennir svo að hann hafi auðvitað aldrei séð hann á mynd. Hvað ætli Tamimi segi um þetta?

posted by Önundr @ 2/02/2006 01:08:00 e.h.