#b-navbar { height:0px; visibility:hidden; display:none }

sunnudagur, desember 11, 2005

Þraut III - Allt er þá þrennt er Jæja, Konráð kláraði síðasta allt of fljótt. Ég er því búinn að hugsa mér þriðja og síðasta manninn.

posted by Önundr @ 12/11/2005 11:00:00 e.h.

föstudagur, desember 09, 2005

Þraut II Jæja, haldiði ekki bara að ég sé búinn að hugsa mér annan mann. Uppfært: Hann er karlmaður. Hann er lifandi. Hann er ekki Íslendingur. Hann er ekki Ameríkani. Hann er ekki listamaður. Uppfært 2: Hann er Afríkumaður og stjórnmálamaður. Hann er fæddur eftir 1950. Hvaða fólk er búið að útiloka? - Helmut Kohl, Meg Ryan (og allar aðrar konur), Hammúrabí, Desmond Tutu, Nelson Mandela. KONRÁÐ JÓNSSON LEYSTI HELVÍTIS GÁTUNA. MAÐURINN VAR GEORGE WEAH, KNATTSPYRNUHETJA, LÍBERÍUMAÐUR, GÓGERÐASENDIHERRA SAMEINUÐUÞJÓÐANNA OG FORSETAFRAMBJÓÐANDI SEM TAPAÐI FYRIR ELLEN JOHNSON SIRLEAF. OOOHHHHHHH.

posted by Önundr @ 12/09/2005 06:02:00 e.h.

Lausn Maðurinn var Leópold I, konungur Belgíu. Fæddur í Saxe-Coburg-Saalfeld (eða Saxe-Coburg-Gotha? ...veit ekki) í Bæjaralandi 1790. Stígur Helgason alvitringur leysti gátuna og ef nafngreindir jafnt sem nafnlausir menn vilja gera athugasemdir við framkvæmd leiksins geta þeir gert það hér og nú. Auðvitað getur verið að einhvers staðar hafi slæðst inn villa. En ég hafði hugsað mér að veita verðlaun. Það er kennslurit í Java-forritun fyrir framhaldsskóla, eftir Atla Harðarson. Útgefið af IÐNÚ. Fallega innbundnið með gulri kápu og traustvekjandi hvítum gormi, auk þess sem glær ytri plastforsíða verndar hana fyrir hnjaski. Stígur Helgason getur vitjað bókar þessarar að heimili mínu, Freyjugötu 25b í Reykjavík. Leópold hentar vel í "Hver er maðurinn?" - fyrir svona besserwissera eins og ykkur, af því að það er erfitt að negla hann niður með hinum almennu spurningum. Bæði eru þjóðríkin dálítið á reiki á þessum tíma og hann fer víða. París - er í rússneska hernum - býr í Englandi o.s.frv. Gaman að'essu. Jæja Konráð, ætli ég sé kominn á blogjob núna?

posted by Önundr @ 12/09/2005 10:13:00 f.h.

sunnudagur, desember 04, 2005

Þraut Ég er búinn að hugsa mér mann. Uppfært: Þetta er karlmaður, stjórnmálamaður, þýskur, dáinn fyrir 1950. Ekki Bismarck. Uppfært 2: Hann var herforingi, ekki Hidd-tlah og ekki Baldur Þórhallsson stjórnmálafræðingur. Uppfært 3: Hann hét ekki Franz Jesser, hann dó fyrir árið 1900, hann dó ekki í bardaga heldur í rúmi. Uppfært 4: Hann hét ekki Karl Philipp von Wrede, hann fæddist á 18. öld, hann var alls ekki af lágstéttum. Uppfært 5: Hann hét ekki Karl og var ekki númer 5. Hann var ekki Habsborgari. Hann var ekki prússneskur. Hann hét ekki von Blücher. Hann varð marskálkur. Uppfært 6: Hann var ekki konungur Prússlands. Vísbending: Margir segja gjörðir hans í stjórnmálum skipta miklu um það að ákveðið Evrópuland nútímans er yfirleitt afmarkað á landakortinu. VÍSBENDING 2: Landið sem um ræðir var ekki til sem sjálfstætt ríki þegar hann fæddist. Gjaldmiðillinn í því landi í dag er Evra. VÍSBENDING 3: Ungur að árum bjó maðurinn um tíma í París. Verðlaun: Ég er að íhuga hvort koma eigi til verðlaunaveitingar í þessum leik. Það gæti verið hvetjandi fyrir fólk til að fara að fletta í bókum og reyna að vinna. En auðvitað eru alltaf hin sjálfsögðu verðlaun: Ævarandi heiður. Reglurnar eru þannig að menn spyrja að já og nei spurningum - en svarandi ræður því svo hvaða litlu upplýsingar hann gefur til viðbótar við já-ið eða nei-ið. HVAR ER VIÐAR PÁLSSON ÞEGAR HANS ER ÞÖRF?

posted by Önundr @ 12/04/2005 08:42:00 e.h.

föstudagur, desember 02, 2005

Áminning Já, svo minni ég Sigurjón Örn Sigurjónsson á að skrifa næsta hluta sögunnar Fagurgali á flæðiskerinu. Þetta má ekki stranda svona, leikar voru rétt að byrja að æsast! Svo mæli ég með því að Sjonni tilnefni Hafstein í að skrifa næsta hluta, en hann virðist þrá það mjög heitt. Þulur Svo vil ég taka undir með einhverjum sem ég man ekki hver var sem skrifaði pistil í Blaðið um fréttaþuli. Það er einhver náungi sem vinnur á 365 ljósvakamiðlum sem þulur, og maðurinn getur bara ekki verið þarna mikið lengur. Hann talar alveg fáránlega, furðulegasti talandi sem ég hef heyrt. Moðar einhverja drullu úr öllum samhljóðaklösum og kremur sérhljóðana. Ef orð eru fjögur atkvæði eða meira byrjar hann yfirleitt að ruglast. Svo er það líka það fáránlegasta, hann á það til að sleppa orðum, yfirleitt stuttum orðum, forsetningum, nafnháttarmerkjum og slíku. Ég get aldrei munað fréttirnar hans því ég fer alltaf að hlusta og greina hversu fáránlega hann talar.

posted by Önundr @ 12/02/2005 10:36:00 f.h.

Öldungur Ég hefði gaman af því að vita hvar í röðinni þetta blogg er m.t.t. elstu bloggsíðna landsins. Ég held að ég hljóti að vera í svona topp 100-300. Ég byrjaði á þessu þegar þetta var alveg nýtt, alltaf verið á þessari slóð og það eru mjög margir hættir sem byrjuðu á undan mér. Ég þykist með sanni mega kalla sjálfan mig bloggöldung. Ekki að það geri mig eitthvað merkilegri.

posted by Önundr @ 12/02/2005 10:32:00 f.h.