.

Takk Dr. Atkins Um jólin var ég 103 kíló. Nú í morgun mældist ég 96,4 kíló. Stefnan er sett á 90 kíló. Atkinsaðferðin er magnað tæki sem maður fær upp í hendurnar til þess að takast á við svona verkefni eins og fitutap er. Svipað og gemsi eða MSN-skilaboðaskjóðan í mannlegum samskiptum. Einfalt tæki sem virkar. Alltént ef það er Nokia sími. Coca Cola light - can't beat the feeling Ég er búinn að smakka þetta. Nú hættir fólk alveg að kaupa Diet-Coke (enda er það hrikalega vondur drykkur) og Coke-light tekur yfir sykurlausa hlutann af þessu. Það gerist hins vegar aldrei að fólk skipti úr sykraða kókinu yfir í light, enda er það alls ekki bragðið sem fólk sækist eftir þegar það drekkur kók, heldur sykurinn. Það eru ekki sömu áhrif af því að fá sér pilsner og að fá sér bjór...þess vegna fer maður ekki í bæinn að fá sér pilsner. Sykurvíman er svo djöfulli góð. Það skal enginn segja mér að Coca Cola sé að reyna að drepa fólk úr offitu vegna hamslausrar bræði sinnar gagnvart gervöllu mannkyni og vilji okkur ekkert nema illt. Þeir eru greinilega að reyna það sem þeir geta til að búa til gosdrykk sem er góður en samt sykurlaus. Auðvitað er þetta fullt af litar-, rotvarnar- og gerviefnum, en það breytir því ekki að þetta er minna óhollt en kókið. Það þýðir ekki að benda á kókakóla kompaní þegar lappirnar fara að brotna undan fólki eftir nokkur ár. Helvítis helvítin ykkar! Brjálaði maðurinn... hér á bókhlöðunni er ennþá brjálaður. Það er langt síðan ég hef séð hann strjúka borð af ákafa eða skrifa í örsmáu dagbókina sína sem hann geymir í hörðu skjalatöskunni sinni. Hann er vel gyrtur og vel greiddur sem endranær. Alltaf jafngrafalvarlegur á svipinn. Nú er hann í tölvunni að skoða barnaland.is af ákafa. Vel rakaður og vel gyrtur.

posted by Önundr @ 2/14/2005 07:02:00 e.h.