.

Próf í almennri lögfræði ...var í dag og ég veit satt að segja lítið um það hvernig mér gekk. Þetta voru 40% krossar, 60% ritgerðir. Krossarnir voru nokkuð strembnir en mér gekk vel í þeim. Þar var einn réttur við hverja spurningu (nú kærir einhver sem ekki skildi) og 5 möguleikar við hverja spurningu. Nokkuð snúið. Ritgerðirnar voru margar og stuttar. Svo var þarna raunhæft verkefni. Ég gerði krossana fyrst og skrifaði svo allt hvað ég gat alveg þangað til að tíminn var búinn. Því má áætla að mér hafi ekki gengið hörmulega, en mér gekk vissulega ekki æðislega heldur. Ég fullyrði ekkert um hvort ég hafi náð þessu prófi. Og hana nú. Yfirsetukonurnar ...voru hressar að vanda. Áður en ég byrjaði í Háskólanum vissi ég ekki að það væri hægt að verða svona gamall. Öldrun er einfaldlega skelfileg. Svo... ...gaf ég frá mér eitthvað fáránlegt hnuss í prófinu. Ég var að lesa raunhæfa verkefnið og var eitthvað að hugsa með mér. Þá hnussaði ég allt í einu upphátt án þess að fatta það fyrr en eftir á. Það var asnalegt. Mér leið eins og ég væri gamli karlinn á bókhlöðunni sem er alltaf að ræskja sig og gera ógeðsleg maga- og kokhljóð. Hann er ógnvænlegur. Sá hann í bókabúð um daginn. Hann gerði ógeðslegt hljóð svo fólkið hætti að skoða bækur og fór að skoða hann. Breytingar framundan Þessi fannáll mun taka stakkaskiptum um jólin. Ég ætla að breyta útlitinu og fá mér smærra letur og breiðari dálk. Ég mun skrifa miklu sjaldnar og þá mjög langa texta í einu. Verði það til þverrandi vinsælda (hvaða vinsælda?) er það hið besta mál. Í raun vil ég ekki að neinn lesi þetta bull. Klipping og svefn Fór í klippingu áðan. Er alveg eins og áður en ég fór í klippingu. Ég er vansvefta mjög. Lítill svefn undan farnar þrjár vikur verður upp bættur í jólafríinu.

posted by Önundr @ 12/21/2002 07:46:00 e.h.